هەسار و سەگەکانی باوکم دەکرێت بە کرمانجی

چیرۆک نێت

مه‌مێ مه‌لا هنه‌ و عیماد شكور محمود ڕۆمانی هەسار و سەگەکانی باوکم کە ڕۆمانێکی نووسەر و ڕۆماننووسی کورد شێرزاد حەسەن ـە لە شێوەزاری سۆرانییەوە دەگۆڕن بۆ شێوەزاری کرمانجیی سەروو.

وەرگێڕکارانی ڕۆمانەکە دەڵێن: “له‌به‌ر گرنگی ناوه‌ڕۆكی ئه‌م ڕۆمانه‌‌‌، هه‌وڵماندا خوێنه‌رانی وێژه‌ی كوردی (كرمانجی سه‌روو) بێبه‌ش نه‌كه‌ین له‌ وه‌ها به‌رهه‌مێكی گرنگ و پڕ بایه‌خ. هیوامان وایه‌ توانیبێتمان، سوودێك به‌ خوێنه‌رانی باكور و ڕۆژئاوا به‌تایبه‌تی گه‌یاندبێت.”

هەسار و سەگەکانی باوکم سه‌ره‌تای ده‌سپێكردنی نوسینی ده‌گه‌ڕێته‌وه‌ بۆ ساڵانی 1988 و ا ساڵانی 1996ی خایاندووه‌ و له‌و ساڵه‌دا چاپ و بڵاو كراوه‌ته‌وه‌.

وەرگێڕکارانی ڕۆمانەکە سەبارەت بە ڕۆمانی هەسار و سەگەکانی باوکم دەڵێن: ناوه‌ڕۆكی ڕۆمانه‌كه‌ باس له‌ كێشه‌ی پیاو  -باوكسالاری- ده‌كات له‌ كۆمه‌ڵگای كوردیدا، ڕۆمانێكه‌ زیاتر باری ده‌روونی كومه‌ڵگەی كوردی ده‌رده‌خات. ده‌كرێت ئه‌م ڕۆمانه‌ له‌به‌رامبه‌ر، یاخود به‌راورد بكرێت له‌گه‌ڵ چه‌ندین به‌رهه‌می جیهانیدا، له‌وانه‌ (نانی ڕووت)ی محمد شوكری و (تاوان و سزا)ی دۆستۆیفسكی، ئه‌م جۆره‌ له‌ ڕۆمان و سه‌لیقه‌ی نوسینه‌ زیاتر شێوازی ڕۆژئاوای پێوه‌ دیاره‌، به‌ڵام به‌ ناوه‌ڕۆك و تایبه‌تمه‌ندی كوردیانه‌ نووسه‌ر بونیادی ڕووداوه‌كانی ناو ڕۆمانه‌كه‌ی ناوه‌.

شایەنی باسە پێداچوونه‌وه‌ و هه‌ڵه‌چنیی له‌لایه‌ن نووسه‌ر و وه‌رگێڕ و چیرۆكنووس و شانۆنووس چه‌تۆیێ زێدۆوه‌ ئه‌نجام دراوه‌ و باسم ڕەسام دیزاینی بەرگی بۆ کردووە. هەروەها بە هەماهەنگی لەگەڵ وەشانخانەی دارا لە ئەستەنبوڵ بڵاو دەبێتەوە،

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Check Also

گۆڕه‌كانیش سه‌رمایانه‌… ئه‌حمه‌د حاجى سامى

دانیشتووه‌. ده‌ستێكى به‌ژێر چه‌ناگه‌یه‌وه‌یه‌ و بۆ ده‌سته‌كه‌ى تریشى ده‌گه‌ڕێت. ڕه‌نگه‌ ئه…