admin
وەرگێڕانی: شەمال وەلی
ههر به ههڵكهوت وێنهگری شار مرۆڤێكی دڵسۆز و هێمن دهرچوو. ئهو پهرده جۆراوجۆرانهی ههیبوون، نیشانی ئهوی دان. دیمهنگهلێكی كاڵهوهبوو؛ تۆزگرتوو و درزتێكهوتوو. یهكیان دیمهنێكی سهرسهوز و پڕدرهخت بوو له سروشتی ڕۆژگاری ڕابردوو. ئهوی دیكه چهند ستوونێكی شكاو و بێسهر، كه- به قهولی خۆی- لهگهڵ مێزی ناڵ-شێوه ئاسنینهكهدا، كه بنی سێپاكهی له شێوهی دهستهی قامچیی سواركاریدا بوو، زۆر دههاتهوه.
وێنهگر دهیویست فهزایهك پێك بهێنێت كه به تهواوی لهو بێتهوه. دوپۆن خانم سهرهڕای ڕهنگی بهرچاوی ناحهزی قژی، توێخی ئهستووری له كرێم و تۆز لهسهر ڕووخساری و ئهو ئاڵتوونهی كه ههڕهشهی له ههر چاوێكی بێ چاویلكهی گهڕهكهكه دهكرد، مرۆڤێكی نازهنین بوو. ئهم خانمه، ئهگهر بۆنێكی تری له خۆی دهدا، یان لهوانهیه ئهسڵهن بهبێ بۆن، به ئهگهرهوه له ژینگهی ئهم شاره بچكۆلهیهدا بۆ خۆی ڕێز و قهدرێكی دهبوو. بهڵام ئهم ژنه بهڕاستی نهیدهزانی، دهبوو چۆن ئهو بێخهیاڵی و یهكڕهنگییه كه له چاوی خهڵكیدا به تهواوی بێگانه بوو، وهلا بنێت.
وێنهگر گوتی: ״لهوانهیه خانم حهزیان لێ بێت وێنهیهكی تاكهكهسی له گۆڕهپانی شاردا بگرن. بهڵام ڕاستییهكهی پێم وا نییه ئێوه ئهونده بێزهوق بن.״ پاشان بۆ جهختكردنهوه له بۆچوونهكهی خهندهیهكی كرد و پێی زیاد كرد: ״به بۆچوونی من باشتره وێنهیهك بگرن كه ئێوه له باخێكی سهرسهوز و پاراو- له كاتی خواردنهوهی چایدا نیشان بدات… مهبهستهكهتانم پێكا؟״
پاشان نهردهی تۆزگرتوو و مێزه ئاسنینهكهی كێش كرد و بردییه بهردهم پهردهی ستوونهكان. دوو كورسیی له مهودای گونجاودا دانان و پاشان چهند ههنگاوێك كشایهوه تا باشترین گۆشه ههڵبژێرێت. چهند سات له پشت پهردهی ڕهشی كامێراكهوه ون بوو و پاشان، ڕێك وهكوو مرۆڤێك كه شتێكی دڵخۆشكهری كهشف كردووه، به دهنگی بهرز گوتی: ״نایابه، نایابه، ڕێك ئهو شتهی كه دهتانهوێ.״
ژنه به نیگایهكی گوماناوییهوه ڕوانییه شانۆكه. فهقیره شتێكی لهم مهسهلانه نهدهزانی. تێكڕای ژیانی بهس دوو وێنهی گرتبوون. جارێك كاتێك له مارسێوه به ڕێ كهوتبوو، بۆ پاسپۆرتهكهی، جارێكی تر وێنهیهك كه له ئهمهریكا لهگهڵ مهلهوانێكدا گرتبووی، له پاركێكی یاریدا. تهبعهن ئهو وێنهیهی بۆ دایكی نهناردبوو. ئاخر بهو نهفرهتهوه كه دایكی له دهریا و له ههر شتێكی پێوهند به دهریاوه ههیبوو، كاتێك ئهوی لهگهڵ مهلهوانێكدا دهبینی، چۆن بیری دهكردهوه؟
دیسان بیرێك كه له مێشكیدا بوو بۆ وێنهگری ڕوون كردهوه:
״وێنهیهكم دهوێ كه بۆ دایكمی بنێرم. دهبێ جۆرێك بێ كه بڵێی له ماڵێكی ڕاستهقینهدا، ماڵی خۆم، گرتوومه.״
وێنهگر ئیتر قسهكانی خانمی لهبهر كردبوون. ئهو وێنهیهكی دهویست زمانێكی ههبێت و له بری ئهو قسه بكات. دهیزانی كه دهیویست لهژێر وێنهكهدا چی بنووسێت: ״بۆ دایكی ئازیزتر له گیانم، له حهوشهی چۆڵی ماڵهكهی خۆم لهگهڵ باشترین هاوڕێمدا.״
جۆركردنی ماڵێكی درۆیین ئهوه نهبوو. ئهم پهردانه ههر لهبهر ئهمه بوون. شتێكیان كه كهم بوو ئهو مرۆڤهی تر بوو، واتا هاوڕێی خانم.
״ئهمه ئیتر عایدی خۆتانه خانم، من هیچم له دهست نایهت. لهگهڵ خۆتان بیهێننه ئێره، منیش بهڵێن دهدهم وێنهیهك له ههردووكتان بگرم عهیبی نهبێ.״
دوپۆن خانم سێ-چوار جار ڕۆیشت و گهڕاوه. وێنهگر مرۆڤێكی دڵسۆز بوو، هانی دهدا.
״ههر دوێنێ بوو وێنهی دوو دانه خانمم له پێش ئهم پهردهیهدا گرت. نایاب دهرچوو. ئێستا ئیتر دهركهوتووه چییه. خوا داویه بۆ وێنهی دوونهفهری. تهماشایهكی ئهم نموونهیه بكهن. ڕێك وهك باخی ماڵێكی شكۆدار.״
مشتهری كه نموونهی وێنهكهی تهماشا دهكرد، بزهیهكی كرد. وێنهگر ڕاستی دهكرد. وێنهكه بهڕاستی جوان بوو. دوو خانم، له باخی بچكۆله و چهپهكی ماڵهكهیاندا چایان دهخواردهوه.
كاتێك بۆ ماڵه فهقیرانهكهی له ئاقاری شار گهڕایهوه، شاد و سهرهحاڵ بوو.
چهندسهتمهترێك دوور له كۆڵانی تهنگ و تاریكی ئهو، ئهو خانمهمامۆستایه دهژیا، تهنیا كهسێك كه وهڵامی سهلامی شهرمنانهی ئهوی دهدایهوه.
Buenas trades
Buenas…
ژنه، بێ دهرهتان بهو قژه ڕهنگكردووهیهوه، ههستی دهكرد پێیهكانی دهلهرزن. سهلام و بهخێرهاتن لهسهر لێوی دهیبهست. پاڵی به دیوارهكهوه دهدا، بهبێ ئهوهی بڕوانێته سهرهوه.
لهوانهیه ڕۆژێك غیرهتی بهر خۆ دهدا كه بوهستێت و لهگهڵ هاوسێیهكهدا قسه بكات. خانمهمامۆستا، لهوێ، لهسهر باڵكۆنی مهڕمهڕی ماڵهكهیدا، ڕهنجاو و كز دهردهكهوت. مرۆڤێكی خهیاڵاتی و شكستخواردوو. ئهم باڵكۆنه ڕێك وهكوو باڵكۆنێك بوو كه لهسهر پهردهی وێنهگرییهكهدا بینیبووی. لهوانهیه بڕوات و لهم خانمه داوای یارمهتیی بكات. مهگهر تاقیكردنهوهی چیی تێدایه؟ حهتمهن تكایهكی وا بێزهرهر و خهتهری ڕهت نهدهكردهوه.
سهرهنجام، ڕۆژێك پاشنیوهڕۆ، لهبهر دهركهی ماڵی ژنهدا وهستا. لهو پاشنیوهڕۆیهدا هیچكهس لهو دهوروبهره نهبوو، تهنیا چهند دانه سهگهبهڕهڵڵا نهبێت. گارییهك به بارهكاوه له ههمان ساتدا بهوێدا تێدهپهڕی، لهوانهی كه كاتێك بینیت دهبێت له دڵتدا نیهت بێنی و ئهزموون كراوه حهتمهن…
بێ مهبهست وهستا. دهیزانی كه میوانی ناوهخته. ههوڵی دا حاڵی خۆی بۆو خانمه ڕوون بكاتهوه. بهڵێ. تهنیا دهیویست وێنهیهك بگرێت كه بۆ دایكی بنێرت. وێنهی خۆی لهگهڵ نهفهرێكی تردا، كهسێكی وهكوو ئێوه، خانم، خانمێكی بهڕێز… بزهی كرد، دڵنیا بوو بهم جۆره قسهكهی زیاتر كاریگهر دهبێت. دوونهفهری وێنهیان دهگرت و پاشان ئهو خۆی ژێر وێنهكهی دهنووسی. ئهوكات دایكی، كه ئیتر چووهته تهمهنهوه، دهیبینی كچهكهی ماڵێكی ئابڕوومهندی ههیه و لهگهڵ خانمه بهڕێزهكاندا هاوڕێیه، دۆستانێكی بهم باشییه هاوسێینی. شانۆی وێنهكه چهند ڕۆژێكه ئاماده بووه. خانم ئهم لووتفه له حهقی ئهودا دهكات؟ دوپۆن خانم خۆی ناسیاوگهلێكی ههبوون، بهڵام زۆر كهم، ئهویش دووراودوور. به كهڵكی ئهم كاره نهدههاتن. جگه لهمه، كێشهی ئهویان درك نهدهكرد. له وێنهگرییهكهدا چاوهڕێی خانم بێت؟ بهڵێ، تا سهعاتی پشووی مهكتهب چاوهڕێ دهكات. سبهی. كاتێ ههموو منداڵهكان چووبووبنهوه بۆ ماڵهكانیان.
״مهمنوونم، مهمنوونم…״
دوپۆن خانم ئهسڵهن بیری نهدهكهوتهوه كه لهو دیدارهدا بهس خۆی قسهی كردووه یان نهء. خانمهمامۆستا ئهرێی گوتووه یان نهء. بهڵام دهربڕینێكی به بیر دههاتهوه كه لهمێژ بوو نهیبیستبوو: ״بهوپهڕی مهیلهوه.״
ڕێك بهو وشانهی دایكی سپاسگوزاریی خوای كرد. بهر لهوهی بچێته پێخهفهكهیهوه وێنهی دایكی ماچ كرد و دیسان خستییهوه شوێنی خۆی، واتا بن چهند دهسته چهرچهف.
سهرهنجام لهوسهری دنیاوه، كهسێك دهستی درێژ كردبوو تا یارمهتیی بدات ههستێتهوه. ههروا كه بهرهو وێنهگرییهكه دهچوو بیری دهكردهوه لهوانهیه ئهمه دهستپێكی قۆناغێكی نوێ بێت له ژیانیدا. خانمهمامۆستا زۆر ئاسایی وهڵامی دابووهوه، جۆرێك كه بڵێی بۆ ڕازیبوون زۆری له خۆی نهكردووه. بیرهێنانهوهی ئهم وردهكارییانه ئههوهنیی پێ دهبهخشی.
لهگهڵ وێنهگرهكهدا كورسییهكانی ڕێك كرد، مێزهكهی ئهملاوئهولا پێ كرد، باڵكۆنه مقهبایییهكهی به گسكی تۆزگرهكه پاك كردهوه.
وێنهگر كه ڕازاندنهوهی دووبارهی شانۆكه ماندووی كردبوو، ڕۆی تا لهبهر دهركهی دوكانهكهی بوهستێت و هاتوچۆی خهڵكی تهماشا بكات. كاتێك منداڵهكان له مهكتهب هاتنه دهرهوه، چوو تا ههواڵ بدا به مشتهرییهكه. خانمهمامۆستا ههر ئێستا دهردهكهوێت.
ژنه وێنهگری دڵنیا كردهوه: ״حهتمهن دێ. لهوانهیه خهریكی ئارایشت بێ.״
پازده خولهك دواتر منداڵهكان تێكڕا له شهقام بوون، چڵكن و پڕقڕهقڕ، مۆزیان دهخوارد و به زۆڵی توێكڵهكهیان ههڵدهدایه سهر شۆستهكه، چاولهڕێ، تا كهسێك پێی لهسهر دانێ و بخلیسكێت.
وێنهگر گوتی: ״دهبوو تا ئێستا دهركهوتبا، ڕاستییهكهی نامهوێ بێتاقهتتان بكهم، بهڵام دنیا كهمكهم خهریكه تاریك دادێ، بهم تاریکییه ناكرێ وێنه بگرین.״
ژنه ههروا چاوهڕێ بوو، له كونجی ئههوهنی خۆیدا، سهرهحاڵ بوو، چاوڕوانییهكی شیرینی ههبوو. ههرگیز ئهوهنده له شوێنێكی چهپهك و دڵپهسنددا دانهنیشتبوو. بهختهوهرییهكی نهناسراو، ساده و بهڕێزانهی ههست پێ دهكرد.
دنیا كه تاریك داهات، دوپۆن خانم وێنهگرییهكهی بهجێ هێشت. بهبێ ئهوهی نائومێدییهكهی نیشان بدات ڕێی دهكرد. لهگهڵ خۆیدا دهیگوت سبهی دهگهڕێمهوه. دڵنیا بوو خانمهمامۆستا وادهكهیانی فهرامۆش كردووه.
ههر كه پێچی كردهوه بۆ كۆڵانهكهی خۆیان، بینی خانمهمامۆستا به پهله له باڵكۆنهكهوه ڕایكرد. دهنگی بهستنی زیبراكان وهك زللهیهك كه بهر ڕووخسار بكهوێت دهنگی دایهوه. گهرمیی گۆنای ههست پێ كرد.
لهبیركردنی وهها بهسهرهاتێك ساده نییه. به تایبهت ئهگهر ژیانت ئهوهنده یهكڕیتم و بێ دڵخۆشی بێت. دوپۆن خانم ههرچهند لهسهر عادهت حهفتهی جارێك له ماڵ دهردهچوو، ئێستا ئهم پیاسانهی كهمتر كردوونهتهوه. به مانگ تێدهپهڕێت و ئهو له چواردیواری دڵگیری ماڵهكهیدا پێ ناخاته دهرهوه.
ئیتر چاوی بهو خانمهمامۆستایه نهكهوتووهتهوه كه لهسهر باڵكۆنی مهڕمهڕی ماڵهكهیدا خهریكه له چاوهڕوانیی ئهشقدا، له چاوهڕوانیی بهختهوهریدا دهژاكێت و پیر دهبێت.
وێنهگر پهردهكهی كۆ كردووهتهوه، ههمان ئهو پهردهیهی درهختگهلێكی به گهڵاولقێكی خهیاڵاوییهوه ههبوو. تۆزێكی نهرم- ڕۆحی ئهم شاره، به ئاماژهی سهعاتگهلی خهڵوهت و ئارامی ئهم شاره، نیشتووهته سهر نهردهكان.
منداڵهكان هێشتایش زۆڵانه توێکڵی مۆز ههڵدهدهنه سهر شۆستهكان. به تایبهت كاتێك بای باكوور دەشنێتهوه. ئهوكات هاواری دایكی وهڕزبوو و باوكانی تووڕه بهرز دهبێتهوه.
قسهی قۆڕ نییه ئهگهر بڵێین ههنێ كات دهبێت شان ههڵتهكێنی و بپهرژێیته سهر ژیانی خۆت.